სასწავლო პროექტი

პროექტის სახელწოდება: ქალაქური ფოლკლორი

პროექტის მთავარი იდეა: მოსწავლეებს გავუღვივოთ ინტერესი ქალაქური ფოლკლორისადმი, უკეთ გაეცნონ ძველი თბილისის ყოფა - ცხოვრებას, სიმღერებს, საკრავებს, კინტოებს, აშუღებს, არა ქართულ საკრავებს, რომლებიც გამოიყენება ქალაქური ხალხური სიმღერების შესრულების დროს.

პროექტის აქტუალობა: მოსწავლეები ეჩვევიან დამოუკიდებლად საჭირო მასალის მოძიების უნარ-ჩვევებს. დაინტერესდებიან რათა უკეთ გაიცნონ აღმოსავლური და დასავლური ქალაქური სიმღერები.

პროექტის მიზნები: მოსწავლეები მოიძიებენ ძველი თბილისის სურათებს, მოიპოვებენ ინფორმაციას კინტოებისა და აშუღების ცხოვრებისა და მოღვაწეობის შესახებ, რისი  მეშვეობითაც ჩამოუყალიბდებათ ქალაქური ფოლკლორისადმი სიყვარული და გემოვნება.

მოსწავლეთა ასაკი:    13 -14 წელი

ვადები / ხანგრძლივობა:  15 დღე

მოსალოდნელი შედეგები / პროდუქტები, რაც შეიძლება შეიქმნას:  მოსწავლეები ისწავლიან ინფორმაციის მოძიებას, მის დამუშავებას, აგროვებენ ფოტო-მასალას.

პროექტისთვის საჭირო ძირითდი რესურსები:  კომპიუტერი, ინტერნეტი, რვეული, ავტოკალამი, ფოტო აპარატი.

პროექტის მსვლელობა: / ძირითადი აქტივობები /

I  აქტივობა  -  მონაწილეთა ორგანიზება: ჯგუფებად დაყოფა, ვეცნობით თემას.

პირველი ჯგუფი მოიძიებს ინფორმაციას ძველი თბილისის შესახებ, განარჩევს ქალაქური ფოლკლორის ორ შტოს - აღმოსავლურს და დასავლურს.

მეორე ჯგუფს ევალება მოიძიოს მასალა კინტოებისა და აშუღების შესახებ, აგრეთვე

მოსასმენი მასალა: აღმოსავლური ქალაქური სიმღერა - ,,ახალ აღნაგო სულო“ და დასავლური ქალაქური  - ,, ციცინათელა“.

მესამე ჯგუფი მოიძიებს ინფორმაციას არაქართული  წარმოშობის საკრავებზე - დუდუკი, საზი, ზურნა და სხვა, რომლებიც გამოიყენება აღმოსავლურ ფოლკლორში.

 II  აქტივობა - მონიტორინგი   ვახდენ დაკვირვებას მივცემ ახსნა - განმარტებებს, ვეხმარები ინტერნეტით ინფორმაციის მოძიებაში.

III აქტივობა - მოპოვებული მასალის სინთეზირება, პრეზენტაციის მოწყობა, ძველი თბილისის სურათების ჩვენება, რათა მოსწავლეები უკეთ გაეცნონ ქალაქურ ფოლკლორს.

IV  აქტივობა - შეფასება მასწავლებელთა და მოსწავლეთა მიერ, რამდენად საინტერესო იყო მუშაობის პროცესი, რამდენად დაინტერესდნენ ისინი, რა ცოდნა შეიძინეს მათ.

საგნებთან /საგნობრივ ჯგუფებთან /ეროვნულ სასწავლო გეგმასთან კავშირი:

მუსიკა, ხელოვნება, ისტორია, ქართული ენა.

• მოსწავლეს შეუძლია სასწავლო პროექტში მონაწილეობა.

• მოსწავლეს შეუძლია  გააცნოს თანაკლასელებს ბევრი საინტერესო ინფორმაცია ქალაქური ფოლკლორის შესახებ

• მოსწავლეს შეუძლია გააცნოს თანაკლასელებს აღმოსავლური ქალაქური სიმღერის ,,ახალ აღნაგო სულოს“ შექმნის ისტორია

• მოსწავლეს შეუძლია სიმღერა მარტო/სხვებთან ერთად

შედეგი თვალსაჩინოა თუ მოსწავლე:

• დავალებებს წარმატებით ასრულებს განსაზღვრავს იმ ცოდნას და უნარს რომელსაც ფლობს და გამოიყენებს დავალების შესასრულებლადგანსაზღვრავს რა გაუადვილდება, რაში სჭირდება დახმარება , კონსულტაცია.

• მოიძიებს მასალას ისტ-ის საშუალებით.

პროექტის ხელმძღვანელი: ნინო მახარაძე

ხელმძღვანელის ელ.ფოსტა:ninomakharadze5@gmail.com