სასწავლო პროექტი

პროექტის სახელწოდება: ჯაზი და მისი მიმდინარეობები.

პროექტის მთავარი იდეა: მოსწავლეებს გავუღვივოთ ინტერესი ჯაზისა და იმპროვიზაციის მიმართ, რათა უკეთ გაეცნონ ჯაზის წარმოშობისა და განვითარების ისტორიას.

პროექტის აქტუალობა:  მოსწავლეები შეიძენენ დამოუკიდებლად საჭირო მასალის მოძიების უნარ-ჩვევებს, დაინტერესდებიან, რათა უკეთ გაეცნონ აფრო-ამერიკულ მელოდიებს, ჯაზური იმპროვიზაციის საოცრებებს.

პროექტის მიზნები:  მოსწავლეები მოიძიებენ ფოტო მასალას და ინფორმაციას ჯაზის წარმოშობისა და შემდგომი განვითარების შესახებ, ჯაზის დედოფლად აღიარებულ ელა ფიცჯერალდისა და ლუი ამსტრონგის ცხოვრების შესახებ.

მოსწავლეთა ასაკი:  14-15 წელი

ვადები / ხანგრძლივობა:  15 დღე

მოსალოდნელი შედეგები/პროდუქტები, რაც შეიძლება შეიქმნას:

მოსწაავლეები ისწავლიან ინფორმაციის მოძიებას, მის დამუშავებას. აგროვებენ ფოტო-მასალას, ქმნიან ბუკლეტებს, მოიძიებენ მოსასმენ მასალას.

პროექტისათვის საჭირო ძირითადი რესურსები: კომპიუტერი, ინტერნეტი, რვეული, ავტოკალამი, ფოტო აპარატი.

პროექტის მსვლელობა: (ძირითადი აქტივობები)

I აქტივობა - მოსწავლეთა ორგანიზება:  ჯგუფებად დაყოფა, მოსწაავლეებთან ერთად ვირჩევთ თემას პროექტისათვის.

პირველი ჯგუფი - მოიძიებს მასალას ჯაზის წარმოშობისა და განვითარების შესახებ.

მეორე ჯგუფი - მოიძიებს ინფორმაციას სპირიჩუელსისა და ბლუზის შესახებ, მოსასმენ მასალასთან ერთად.

მესამე ჯგუფს - ევალება მოიძიოს მასალა ელა ფიცჯერალდისა და ლუი ამსტრონგის შესახებ.

II  აქტივობა - მონიტორინგი

პერიოდულად ვახდენ დაკვირვებას, მივცემ ახსნა-განმარტებას და ვამოწმებ, რამდენად პასუხისმგებლობით ეკიდებიან მიცემულ დავალებას.

III  აქტივობა - მოპოვებული მასალის სინთეზირება, პრეზენტაციის მოწყობა, ელა ფიცჯერალდის მიერ სპირიჩუელსისა და ბლუზის მოსმენა- ვიდეო მასალა.

IV  აქტივობა -  შეფასება მასწავლებელთა და მოსწავლეთა მიერ. რამდენად სასიამოვნო იყო მუშაობის პროცესი, რამდენად დაინტერესდნენ ისინი და ბოლოს, რა ცოდნა შეიძინეს მათ.

საგნებთან / საგნობრივ ჯგუფებთან / ეროვნულ სასწავლო გეგმასთან კავშირი

მუსიკა, უცხო ენა /ინგლისური /  ისტორია

• მოსწავლეს შეუძლია სასწავლო პროექტში მონაწილეობა.

• მოსწავლეს შეუძლია გააცნოს თანაკლასელებს ბევრი საინტერესო რამ ჯაზის, იმპროვიზაციის შესახებ, კერძოდ: განვითარების გზები, წარსულში და თანამედროვე ჯაზ შემსრულებლები, ჯაზ ორკესტრის საკრავები და სხვა.

• მოსწავლეს შეუძლია გააცნოს თანაკლასელებს ზანგური ხალხური სიმღერა ჩივილის ბლუზის შექმნის მოკლე ისტორია.

• მოსწავლეს შეუძლია მოსმენა დ მუსიკალური ნაწარმოების ანალიზი, შეუძლია სხვადასხვა მუსიკალური კოლექტივების გარჩევა.

შედეგი თვალსაჩინოა თუ მოსწავლე:

• დავალებებს წარმატებით ასრულებს

• განსაზღვრავს იმ ცოდნას და უნარს, რომელსაც ფლობს და გამოიყენებს დავალების შესასრულებლად.

• განსაზღვრავს რა გაუადვილდება, რაში სჭირდება დახმარება, კონსულტაცია.

• მოიძიებს მასალას ისტ-ის საშუალებით.

პროექტის ხელმძღვანელი -  ნინო მახარაძე

ხელმძღვანელის ელ-ფოსტა - ninomakharadze5@gmail.com